October 23, 2024

ਸਿੱਖ ਧਰਮ ਪ੍ਰਚਾਰ ਲਈ ਕਮੇਟੀ ਮੈਂਬਰਾਂ ਦੀ ਅਗਵਾਈ ਹੇਠ ਪਰਿਵਾਰਕ ਸੰਪਰਕ ਮੁਹਿੰਮ, ਗੁਰਦੁਆਰਾ ਪ੍ਰਬੰਧ ਦਾ ਪੂਰਨ ਤੌਰ ‘ਤੇ ਕੰਪਿਊਟਰੀਕਰਨ, ਸਿੱਖ ਕੌਮੀ ਸਰਮਾਏ ਦੀ ਵਰਤੋਂ, ਆਰਥਿਕ ਪੱਖੋਂ ਪਛੜੇ ਸਿੱਖ ਪਰਿਵਾਰਾਂ ਦੀ ਸੰਭਾਲ, ਸਿੱਖ ਵਿਦਿਆ ਅਤੇ ਸਿੱਖ ਸਿਹਤ ਆਦਿ ਮੁੱਦਿਆਂ ਤੇ ਸਪੱਸ਼ਟਤਾ ਜ਼ਰੂਰੀ

Daily Gianwan Bureau / Ludhiana

ਲੁਧਿਆਣਾ - ਸਿੱਖਾਂ ਦੀ ਨੁਮਾਇੰਦਾ ਹੈਸੀਅਤ  ਵਾਲੀ ਸਿਰਮੌਰ ਸੰਸਥਾ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸਾਹਿਬਾਨ ਅਤੇ ਕਾਰਜਕਰਨੀ ਕਮੇਟੀ ਦੀ ਸਲਾਨਾ ਚੋਣ 28 ਅਕਤੂਬਰ ਨੂੰ ਤੇਜਾ ਸਿੰਘ ਸਮੁੰਦਰੀ ਹਾਲ, ਸ੍ਰੀ ਅੰਮ੍ਰਿਤਸਰ ਸਾਹਿਬ ਵਿਚ ਹੋ ਰਹੀ ਹੈ। ਇਸ ਸਬੰਧੀ ਇਸ ਸੰਸਥਾ ਨੂੰ ਇੱਕ ਅੰਤਰ ਰਾਸ਼ਟਰੀ ਮਿਆਰਾਂ ਵਾਲੀ ਮਜ਼ਬੂਤ ਤੇ ਉਚਤਮ ਪ੍ਰਵੀਨਤਾ ਤੇ ਕਾਰਜਕੁਸ਼ਲਤਾ ਵਾਲੀ ਅਧੁਨਿਕ ਸੰਸਥਾ ਵਜੋਂ ਵਿਕਸਤ ਕਰਨ ਲਈ ਨਵੇਂ ਬਣ ਰਹੇ ਪ੍ਰਧਾਨ ਸਾਹਿਬਾਨ ਆਪਣੇ ਪ੍ਰੋਗ੍ਰਾਮ ਤੇ ਏਜੰਡਿਆਂ ਦੀ ਜਾਣਕਾਰੀ ਕੌਮ ਨੂੰ ਦੇਣ। ਇਹ ਵਿਚਾਰ ਸ. ਗੁਰਮੀਤ ਸਿੰਘ ਸਾਬਕਾ ਆਨਰੇਰੀ ਸਕੱਤਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਅਤੇ ਫਾਊਂਡਰ ਪ੍ਰਧਾਨ ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਨੇ ਦਿੱਤੇ। ਉਨ੍ਹਾਂ ਕਿਹਾ ਕਿ ਗੁਰਦੁਆਰਾ ਪ੍ਰਬੰਧ ਕੰਮਕਾਜ ਦਾ ਪੂਰਨ ਤੌਰ ‘ਤੇ ਕੰਪਿਊਟਰੀਕਰਨ ਕਰਨਾ, ਸਿੱਖ ਕੌਮੀ ਸਰਮਾਏ ਦੀ ਸਹੀ ਵਰਤੋਂ, ਆਰਥਿਕ-ਸਮਾਜਿਕ ਪੱਖੋ ਪਿਛੜੇ ਸਿੱਖ ਪਰਿਵਾਰਾਂ ਦੀ ਸੰਭਾਲ, ਸਿੱਖ ਯੁਵਕ ਲਈ ਰੁਜ਼ਗਾਰ ਮੂਲਕ ਉਪਰਾਲੇ, ਪੰਜਾਬ ਤੋਂ ਬਾਹਰ ਦੇਸ਼ ਵਿਦੇਸ਼ ਵਿਚ ਵਸਦੇ ਸਿੱਖਾਂ ਦੀ ਸੁਰਖਿਆ ਤੇ ਸਿੱਖੀ ਪ੍ਰਚਾਰ ਸੰਚਾਰ ਦੀ ਵਿਵਸਥਾ, ਸਿੱਖ ਇਤਿਹਾਸ ਰਿਸਰਚ ਬੋਰਡ, ਸਿੱਖ ਰੈਫਰੈਂਸ ਲਾਇਬ੍ਰੇਰੀ, ਕੇਂਦਰੀ ਸਿੱਖ ਅਜਾਇਬ ਘਰ ਦੀ ਅਧੁਨਿਕ ਮਿਆਰਾਂ ਦੇ ਅਨੁਕੂਲ ਪੂਰਨ ਯੋਜਨਾਬੰਦੀ, ਆਪਣੇ ਸਿੱਖ ਮੀਡੀਆ ਸੈਂਟਰ ਦੀ ਸਥਾਪਨਾ, ਸਿੱਖਾਂ ਦੀ ਬੇਹਤਰ ਸਿਹਤ ਅਤੇ ਨਸ਼ਾ ਰਹਿਤ ਸਮਾਜ ਦੀ ਸਿਰਜਨਾ, ਸਿੱਖ ਇਸਤਰੀ ਲਈ ਵਿਸ਼ੇਸ਼ ਪ੍ਰਥਮਿਕਤਾ ਆਦਿ ਮੁਦਿਆਂ ਲਈ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਆਪਣਾ ਚੋਣ ਮਨੋਰਥ ਜਾਰੀ ਕਰੇ। ਉਹਨਾਂ ਅੱਗੋਂ ਕਿਹਾ ਕਿ ਅੱਜ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਕਾਰਗੁਜਾਰੀ ਇਕਵੀਂ ਸਦੀ ਦੇ ਪ੍ਰਸੰਗ ਵਿਚ ਸਮੇਂ ਦੀਆਂ ਚਣੌਤੀਆਂ ਦੇ ਸਨਮੁੱਖ ਹੋਰ ਵਧੇਰੇ ਉਚਤਮ ਮਿਆਰਾਂ ਵਾਲੀ ਬਣਾਉਣ ਦੀ ਲੋੜ ਹੈ ਅਤੇ ਕੌਮ ਨਵੀ ਬਣ ਰਹੀ ਕਮੇਟੀ ਤੋ ਇਹ ਉਮੀਦਾਂ ਰਖਦੀ ਹੈ। ਇਹ ਤਾਹੀਂ ਸੰਭਵ ਹੋ ਸਕਦਾ ਹੈ ਜੇਕਰ ਸ਼ਰੋਮਣੀ ਕਮੇਟੀ ਦੇ ਜਨਰਲ ਹਾਊਸ ਇਸ ਬਾਰੇ ਆਪਣੀਆਂ ਲਗਾਤਾਰ ਬੈਠਕਾਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਅਗਵਾਈ ਵਿਚ ਕਰਕੇ ਫ਼ੈਸਲੇ ਲੈਣ ਅਤੇ ਉਹਨਾ ਨੂੰ ਲਾਗੂ ਕਰਨ।

Powered by Froala Editor

The Presidents Contesting The Shiromani Committee Elections Should Give Their Agenda To The Nation To Develop This Organization As A Strong Organization Gurmeet Singh Former Honorary Secretary Sri Akal Takht Sahib