ਘਰੇਲੂ ਕਲੇਸ਼ ਨੇ ਲਿਆ ਖੂਨੀ ਰੂਪ: ਸੱਸ ਨੂੰ ਬਚਾਉਂਦੀ ਨੂੰਹ ਦੇ ਵਜਿਆ ਚਾਕੂ, ਹੋਈ ਮੌਤ, ਪਤਨੀ ’ਤੇ ਕੀਤੇ 15 ਵਾਰ
December 29, 2025
Daily Gianwan Bureau / National
ਸਨੌਰ ਥਾਣਾ ਖੇਤਰ ਵਿੱਚ ਘਰੇਲੂ ਤਕਰਾਰ ਨੇ ਖੂਨੀ ਰੂਪ ਧਾਰ ਲਿਆ, ਜਿੱਥੇ 65 ਸਾਲਾ ਸਹੁਰੇ ਵੱਲੋਂ ਹਮਲੇ ਵਿੱਚ 19 ਸਾਲਾ ਨੂੰਹ ਦੀ ਮੌਤ ਹੋ ਗਈ, ਜਦਕਿ ਸੱਸ ਗੰਭੀਰ ਜ਼ਖ਼ਮੀ ਹੋ ਗਈ। ਘਟਨਾ 26 ਦਸੰਬਰ ਤੜਕੇ ਕਰੀਬ ਤਿੰਨ ਵਜੇ ਵਾਪਰੀ। ਪੁਲਿਸ ਮੁਤਾਬਕ, ਆਰੋਪੀ ਪ੍ਰਕਾਸ਼ ਚੰਦ ਅਕਸਰ ਘਰੇਲੂ ਗੱਲਾਂ ’ਤੇ ਗੁੱਸੇ ਵਿੱਚ ਆ ਜਾਂਦਾ ਸੀ। ਉਸ ਰਾਤ ਘਰੇਲੂ ਝਗੜੇ ਦੌਰਾਨ ਉਸ ਨੇ ਆਪਣੀ ਪਤਨੀ ਮਲਕੀਤ ਕੌਰ ’ਤੇ ਹਮਲਾ ਕੀਤਾ। ਸੱਸ ਦੀਆਂ ਚੀਖਾਂ ਸੁਣ ਕੇ ਬਚਾਅ ਲਈ ਆਈ ਨੂੰਹ ਅੰਜੂ ਕੌਰ ’ਤੇ ਵੀ ਹਮਲਾ ਹੋਇਆ, ਜਿਸ ਨਾਲ ਉਸ ਦੀ ਮੌਤ ਹੋ ਗਈ। ਤਿੰਨਾਂ ਜ਼ਖ਼ਮੀਆਂ ਨੂੰ ਰਾਜਿੰਦਰਾ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ, ਜਿੱਥੇ ਅੰਜੂ ਕੌਰ ਨੇ ਦਮ ਤੋੜ ਦਿੱਤਾ, ਜਦਕਿ ਮਲਕੀਤ ਕੌਰ ਅਤੇ ਆਰੋਪੀ ਦਾ ਇਲਾਜ ਜਾਰੀ ਹੈ। ਮ੍ਰਿਤਕਾ ਦੀ ਪਛਾਣ ਅੰਜੂ ਕੌਰ ਵਜੋਂ ਹੋਈ ਹੈ। ਪੁਲਿਸ ਨੇ ਅੰਜੂ ਦੇ ਦਾਦਾ ਭਲਦੇਵ ਸਿੰਘ ਦੀ ਸ਼ਿਕਾਇਤ ’ਤੇ ਆਰੋਪੀ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ। ਥਾਣਾ ਸਨੌਰ ਦੇ ਇੰਚਾਰਜ ਹਰਮਿੰਦਰ ਸਿੰਘ ਨੇ ਦੱਸਿਆ ਕਿ ਹਸਪਤਾਲ ਤੋਂ ਛੁੱਟੀ ਮਿਲਣ ਉਪਰੰਤ ਆਰੋਪੀ ਨੂੰ ਗ੍ਰਿਫ਼ਤਾਰ ਕੀਤਾ ਜਾਵੇਗਾ।Domestic Dispute Turns Bloody Daughter In Law Stabbed To Death While Saving Mother In Law Wife Stabbed 15 Times
Comments
Recommended Stories
Latest
Crime News
Most Visited Stories
