July 12, 2025

Daily Gianwan Bureau / National

ਮਾਨਸੂਨ ਦੀ ਆਮਦ ਨਾਲ ਜਿੱਥੇ ਬਾਰਸ਼ਾਂ ਕਾਰਨ ਲੋਕਾਂ ਦੇ ਰੋਜ਼ਮਰ੍ਹਾ ਦੇ ਕੰਮਕਾਜ ਪ੍ਰਭਾਵਿਤ ਹੋ ਰਹੇ ਹਨ, ਓਥੇ ਹੀ ਰਸੋਈ ਦੇ ਬਜਟ‘ਤੇ ਵੀ ਕਾਫੀ ਭਾਰੀ ਅਸਰ ਪੈ ਰਿਹਾ ਹੈ। ਸਬਜ਼ੀਆਂ ਦੇ ਭਾਅ ਰੋਜ਼ਾਨਾ ਨਵੇਂ ਰਿਕਾਰਡ ਤੋੜ ਰਹੇ ਹਨ।ਪੰਜਾਬ ਦੀਆਂ ਮੰਡੀਆਂ ਵਿੱਚ ਭਿੰਡੀ 80 ਰੁਪਏ, ਟਮਾਟਰ 80, ਗਾਜਰ 60, ਮਟਰ 150, ਲਸਣ 200 ਅਤੇ ਮਿਰਚਾਂ 80 ਰੁਪਏ ਪ੍ਰਤੀ ਕਿਲੋ ਦੇ ਭਾਅ ‘ਤੇ ਮਿਲ ਰਹੀਆਂ ਹਨ। ਸਬਜ਼ੀਆਂ ਦੇ ਇੰਨੇ ਉੱਚੇ ਰੇਟ ਸੁਣ ਕੇ ਲੋਕਾਂ ਨੇ ਸਬਜ਼ੀਆਂ ਨੂੰ ਹੱਥ ਲਾਉਣਾ ਵੀ ਘਾਟਾ ਸਮਝ ਲਿਆ ਹੈ। ਕਈ ਘਰਾਂ ਵਿੱਚ ਲੋਕ ਸਬਜ਼ੀਆਂ ਦੀ ਥਾਂ ਹੁਣ ਦਾਲ-ਰੋਟੀ‘ਤੇ ਜ਼ਿਆਦਾ ਨਿਰਭਰ ਹੋ ਗਏ ਹਨ। ਗਾਹਕਾਂ ਅਨੁਸਾਰ ਕੁਝ ਹਫ਼ਤੇ ਪਹਿਲਾਂ 20 ਰੁਪਏ ਕਿਲੋ ਮਿਲਣ ਵਾਲੀਆਂ ਸਬਜ਼ੀਆਂ ਹੁਣ 80 ਤੋਂ ਵੀ ਉੱਪਰ ਚੱਲ ਰਹੀਆਂ ਹਨ। ਹਰੀਆਂ ਸਬਜ਼ੀਆਂ ਜਿਵੇਂ ਕਿ ਘੀਆ, ਕਰੇਲਾ, ਕੱਦੂ, ਤੋਰੀਆਂ, ਅਰਬੀ, ਗੋਭੀ ਅਤੇ ਫਲੀਆਂ ਆਮ ਘਰੇਲੂ ਰਸੋਈ ਤੋਂ ਗਾਇਬ ਹੋ ਰਹੀਆਂ ਹਨ। ਸਬਜ਼ੀ ਵਿਕਰੇਤਾਵਾਂ ਨੇ ਦੱਸਿਆ ਕਿ ਪੰਜਾਬ ਵਿੱਚ ਬਰਸਾਤਾਂ ਕਾਰਨ ਸਥਾਨਕ ਪੈਦਾਵਾਰ ਨੱਥੀ ਹੈ ਅਤੇ ਹੁਣ ਸਾਰੀ ਸਬਜ਼ੀ ਹਿਮਾਚਲ ਤੇ ਹੋਰ ਗੁਆਂਢੀ ਸੂਬਿਆਂ ਤੋਂ ਆ ਰਹੀ ਹੈ। ਹਾਲਾਤ ਇਹ ਹਨ ਕਿ ਸਪਲਾਈ ਘੱਟ ਤੇ ਮੰਗ ਵੱਧਣ ਕਾਰਨ ਭਾਅ ਵਧ ਰਹੇ ਹਨ।

Powered by Froala Editor

Vegetable Prices Have Skyrocketed Garlic Has Become Rs 200 Per Kg Know The Rates Of Other Vegetables Too