August 23, 2024
ਮਿਸ ਤੀਜ ਦਾ ਤਾਜ ਐਸ਼ਵੀਨ ਕੌਰ ਦੇ ਸਿਰ ਸਜਿਆ
ਮੁੱਖ ਮਹਿਮਾਨ ਵਿਧਾਇਕ ਸਿੱਧੂ ਨੇ ਕੀਤੀ ਇਨਾਮਾਂ ਦੀ ਵੰਡ
Daily Gianwan Bureau / Ludhiana
ਲੁਧਿਆਣਾ, 23 ਅਗਸਤ - ਸ਼੍ਰੀਮਤੀ ਸਵਰਨ ਕੌਰ ਸੱਗੂ ਅਤੇ ਰੀਤ ਇੰਦਰ ਕੌਰ ਸਿੱਧੂ ਦੀ ਅਗਵਾਈ ਵਿੱਚ ਤੀਆਂ ਦਾ ਤਿਉਹਾਰ ਅਮੰਤਰਣ ਵਿੱਲਾ ਗਿੱਲ ਰੋਡ ਹਲਕਾ ਆਤਮ ਨਗਰ ਵਿਖੇ ਮਨਾਇਆ ਗਿਆ ਜਿਸ ਵਿਚ ਮੁਟਿਆਰਾਂ ਨੇ ਬੋਲੀਆਂ, ਗਿੱਧਾ ਅਤੇ ਭੰਗੜੇ ਪਾ ਕੇ ਧਮਾਲਾਂ ਪਾਈਆਂ ਉਥੇ ਮੁਟਿਆਰਾਂ ਨੇ ਪੀਂਘਾਂ ਅੰਬਰੀਂ ਲਗਾਈਆਂ। ਸਰਬਜੀਤ ਕੌਰ ਮਾਂਗਟ ਦੀ ਅਗਵਾਈ ਵਿਚ ਪੁਰਾਤਨ ਵਿਰਸੇ ਨੂੰ ਉਜਾਗਰ ਕਰਦੀਆਂ ਮੁਟਿਆਰਾਂ ਨੇ ਸਾਉਣ ਵੀਰ ਇੱਕਠੀਆਂ ਕਰੇ ਭਾਦੋਂ ਚੰਦਰੀ ਵਿਛੋੜੇ ਪਾਵੇ, ਸੱਸੇ ਤੇਰੀ ਮੱਝ ਮਰਜੇ ਮੇਰੇ ਵੀਰ ਨੂੰ ਸੁੱਕੀ ਖੰਡ ਪਾਈ, ਨੀ ਮੈਂ ਨੱਚਾਂ ਪਟੋਲਾ ਬਣਕੇ ਆਦਿ ਅਲੋਪ ਹੋ ਰਹੇ ਲੋਕ ਵਿਰਸੇ ਦੀਆਂ ਬੋਲੀਆਂ ਪਾ ਕੇ ਰਿਸ਼ਤਿਆਂ ਦੀਆਂ ਤੰਦਾਂ ਨੂੰ ਮਜਬੂਤ ਕੀਤਾ। ਮੁਟਿਆਰਾਂ ਨੇ ਨੱਚ ਨੱਚ ਕਿੱਕਲੀ ਪਾਈ ਅਤੇ ਢੋਲ ਦੇ ਡਗੇ 'ਤੇ ਭੰਗੜਾ ਪਾਕੇ ਖੁਸ਼ੀਆਂ ਸਾਂਝੀਆਂ ਕੀਤੀਆਂ। ਇਸ ਮੌਕੇ ਮਿਸ ਤੀਜ ਦਾ ਮੁਕਾਬਲਾ ਕਰਵਾਇਆ ਗਿਆ ਜਿਸ ਵਿਚ ਕਰੀਬ 30 ਮੁਟਿਆਰਾਂ ਨੂੰ ਪਛਾੜ ਕੇ ਮਿਸ ਤੀਜ ਦਾ ਤਾਜ ਐਸ਼ਮੀਨ ਕੌਰ ਪਨੇਸਰ ਦੇ ਸਿਰ ਸਜਿਆ ਜਦ ਕਿ ਮਿਸਇਜ ਤੀਜ ਸਿਮਰਪ੍ਰੀਤ ਕੌਰ ਅਤੇ ਜੂਨੀਅਰ ਮਿਸ ਤੀਜ ਦਾ ਖਿਤਾਬ ਅਮਰਪ੍ਰੀਤ ਕੌਰ ਦਹੇਲੇ ਨੇ ਆਪਣੇ ਨਾਮ ਕੀਤਾ।
ਸਮਾਗਮ ਵਿਚ ਮੁੱਖ ਮਹਿਮਾਨ ਵਜੋਂ ਕੁਲਵੰਤ ਸਿੰਘ ਸਿੱਧੂ ਵਿਧਾਇਕ ਹਲਕਾ ਆਤਮ ਨਗਰ ਉਚੇਚੇ ਤੌਰ 'ਤੇ ਪੁੱਜੇ ਜਿੰਨਾਂ ਜੇਤੂ ਮੁਟਿਆਰਾਂ ਨੂੰ ਇਨਾਮ ਤਕਸੀਮ ਕੀਤੇ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਅਲੋਪ ਹੋ ਰਹੇ ਪੁਰਾਤਨ ਸਭਿਆਚਾਰ ਅਤੇ ਵਿਰਸੇ ਨੂੰ ਮੁੜ ਸੁਰਜੀਤ ਕਰਨ ਲਈ ਤੀਆਂ ਦਾ ਤਿਉਹਾਰ ਮਨਾਉਣਾ ਸ਼ਲਾਘਾਯੋਗ ਉਪਰਾਲਾ ਹੈ। ਇਸ ਮੌਕੇ ਮੁਟਿਆਰਾਂ ਨੇ ਖੀਰ ਪੂੜਿਆਂ ਅਤੇ ਪਕੌੜਿਆ ਦੇ ਆਹੂ ਲਾਏ। ਸਹੁਰੇ ਘਰ ਤੋਂ ਪੇਕੇ ਆਈਆਂ ਮੁਟਿਆਰਾਂ ਨੇ ਆਪਣੀਆਂ ਬਚਪਨ ਦੀਆਂ ਯਾਦਾਂ ਨੂੰ ਤਾਜਾ ਕੀਤਾ।
ਇਸ ਮੌਕੇ ਸਰਤਾਜ ਸਿੱਧੂ, ਅਮਾਨਤ ਸਿੱਧੂ, ਲਖਵਿੰਦਰ ਕੌਰ ਲੱਕੀ, ਰੇਸ਼ਮ ਸਿੰਘ ਸੱਗੂ (ਸਿਆਸੀ ਸਲਾਹਕਾਰ ਵਿਧਾਇਕ ਸਿੱਧੂ), ਚੇਅਰਮੈਨ ਵੀਨੂ ਵਿਸ਼ਵਕਰਮਾ, ਗੁਰਮੀਤ ਕੌਰ ਆਹਲੂਵਾਲੀਆ, ਲੱਕੀ ਮਾਂਗਟ, ਪ੍ਰਿੰ. ਇੰਦਰਜੀਤ ਕੌਰ, ਗੁਰਪ੍ਰੀਤ ਕੌਰ ਸਿੱਧੂ, ਸੁਖਪ੍ਰੀਤ ਕੌਰ, ਹਰਪ੍ਰੀਤ ਕੌਰ ਪੰਨੂ, ਯਸ਼ਪਾਲ ਸ਼ਰਮਾ, ਅਰਸ਼ਦੀਪ ਸਿੰਘ ਬਿੱਲਾ, ਸੁਖਵਿੰਦਰ ਕੌਰ ਗਿੱਲ, ਮਨਪ੍ਰੀਤ ਬਾਦਲ, ਦਿਲਪ੍ਰੀਤ ਸਿੰਘ, ਬਲਜਿੰਦਰ ਕੌਰ ਛੀਨਾ, ਉਮਰਾਉ ਸਿੰਘ ਛੀਨਾ ਹਰਿਆਣਾ, ਰਣਜੀਤ ਸਿੰਘ ਮਠਾੜੂ, ਰਣਧੀਰ ਸਿੰਘ ਦਹੇਲੇ ਆਦਿ ਹਾਜਰ ਸਨ।
Powered by Froala Editor
Amantaran Villa Constituency Atam Nagar Young Women Dance At The Tea Festival
