June 11, 2024
100 ਤੋਂ ਵੱਧ ਭਾਗੀਦਾਰਾਂ ਨੇ ਲਿਆ ਭਾਗ
Daily Gianwan Bureau / Ludhiana
ਲੁਧਿਆਣਾ, 11 ਜੂਨ, 2024 - ਸੀਟੀ ਯੂਨੀਵਰਸਿਟੀ ਨੇ ਭਾਨੂ ਈਵੈਂਟਸ ਐਂਡ ਪ੍ਰੋਡਕਸ਼ਨ ਪ੍ਰਾਈਵੇਟ ਲਿਮਟਿਡ ਦੁਆਰਾ ਆਯੋਜਿਤ "ਦ ਟੇਲੈਂਟ ਸ਼ੋਅ - ਟੀ2ਐਸ 2024" ਦੀ ਮੇਜ਼ਬਾਨੀ ਕੀਤੀ। 100 ਤੋਂ ਵੱਧ ਭਾਗੀਦਾਰਾਂ ਨੇ ਫੈਸ਼ਨ ਸ਼ੋਅ, ਸਿੰਗਿੰਗ, ਇੰਸਟਰੂਮੈਂਟ ਵਜਾਉਣਾ, ਕਵਿਤਾ ਅਤੇ ਡਾਂਸ ਵਰਗੀਆਂ ਸ਼੍ਰੇਣੀਆਂ ਵਿੱਚ ਆਪਣੀ ਕਮਾਲ ਦੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕੀਤਾ।
ਇਸ ਟੇਲੈਂਟ ਸ਼ੋਅ ਨੇ 4 ਤੋਂ 17 ਸਾਲ ਦੀ ਉਮਰ ਦੇ ਭਾਗੀਦਾਰਾਂ ਨੇ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਦਰਸ਼ਕਾਂ ਨੂੰ ਮੋਹ ਲਿਆ। ਇਸ ਮੌਕੇ ਸਿਮਰਨ ਸੰਗੋਵਾਲ, ਸੂਰਜ ਨਾਹਰ, ਅਤੇ ਗੌਰਵ ਬੋਹਤ ਨੇ ਜੱਜ ਦੀ ਭੂਮਿਕਾ ਨਿਭਾਈ ਅਤੇ ਪ੍ਰਤੀਭਾਗੀਆਂ ਦੁਆਰਾ ਪ੍ਰਦਰਸ਼ਿਤ ਉੱਚ ਪੱਧਰੀ ਪ੍ਰਤਿਭਾ ਅਤੇ ਰਚਨਾਤਮਕਤਾ ਦੀ ਪ੍ਰਸ਼ੰਸ਼ਾ ਕੀਤੀ।
ਇਸ ਮੌਕੇ ਵਿਸ਼ੇਸ਼ ਮਹਿਮਾਨ ਸੀਟੀ ਯੂਨੀਵਰਸਿਟੀ ਦੇ ਵਿਦਿਆਰਥੀ ਭਲਾਈ ਵਿਭਾਗ ਦੇ ਡਾਇਰੈਕਟਰ ਦਵਿੰਦਰ ਸਿੰਘ; ਰਮਨ ਬਾਲੀ ; ਸੁਖਪਾਲ ਸਿੰਘ ; ਨਾਸਿਰ ਮੁਹੰਮਦ, ਮਨੀਸ਼ਾ ਸੂਦ ; ਜਸਵੀਰ ਕੌਰ ਸੂਦ ਨੇ ਵਿਸ਼ੇਸ਼ ਮਹਿਮਾਨ ਵਜੋਂ ਹਾਜ਼ਰੀ ਭਰੀ।
ਭਾਨੂ ਈਵੈਂਟਸ ਐਂਡ ਪ੍ਰੋਡਕਸ਼ਨ ਪ੍ਰਾਈਵੇਟ ਲਿਮਟਿਡ ਦੇ ਮੈਨੇਜਿੰਗ ਡਾਇਰੈਕਟਰ ਭਾਨੂ ਸੂਦ ਨੇ ਕਿਹਾ ਕਿ ਪ੍ਰਤੀਭਾਗੀਆਂ ਦਾ ਜੋਸ਼ ਅਤੇ ਪ੍ਰਤਿਭਾ ਦੇਖਣ ਲਾਇਕ ਸੀ ਜਿਸ ਵਿੱਚ ਹਰ ਇੱਕ ਦਾ ਸਮਰਪਣ ਅਤੇ ਸਖ਼ਤ ਮਿਹਨਤ ਨਜ਼ਰ ਆ ਰਹੀ ਸੀ। ਅਜਿਹੇ 'ਚ ਉਭਰਦੀਆਂ ਪ੍ਰਤਿਭਾਵਾਂ ਅੱਗੇ ਆਉਣ ਲਈ ਇਹ ਟੈਲੇਂਟ ਸ਼ੋਅ ਪਲੇਟਫਾਰਮ ਪ੍ਰਦਾਨ ਕਰਦਾ ਹੈ।
ਦਵਿੰਦਰ ਸਿੰਘ, ਡਾਇਰੈਕਟਰ, ਵਿਦਿਆਰਥੀ ਭਲਾਈ ਵਿਭਾਗ, ਸੀਟੀ ਯੂਨੀਵਰਸਿਟੀ ਨੇ ਅੱਗੇ ਕਿਹਾ, "ਦਿ ਟੇਲੈਂਟ ਸ਼ੋਅ - ਟੀ 2ਐਸ 2024 ਦੀ ਮੇਜ਼ਬਾਨੀ ਕਰਨਾ ਸੀਟੀ ਯੂਨੀਵਰਸਿਟੀ ਲਈ ਇੱਕ ਸਨਮਾਨ ਹੈ। ਭਾਗੀਦਾਰਾਂ ਦੀ ਊਰਜਾ ਅਤੇ ਉਤਸ਼ਾਹ ਦੇਖਣ ਯੋਗ ਸੀ, ਅਤੇ ਅਜਿਹੇ ਯਾਦਗਾਰੀ ਸਮਾਗਮ ਦੇ ਆਯੋਜਨ ਲਈ ਭਾਨੂ ਇਵੈਂਟਸ ਅਤੇ ਪ੍ਰੋਡਕਸ਼ਨ ਪ੍ਰਾਈਵੇਟ ਲਿਮਿਟਿਡ ਦੇ ਧੰਨਵਾਦੀ ਹਾਂ।
Powered by Froala Editor
CT University Hosts The Talent Show T2S 2024 Organized By Bhanu Events Production Pvt Ltd
