ਨਿਊ ਈਅਰ ਸਕੈਮ ਅਲਰਟ! ‘ਸਪੈਸ਼ਲ ਗਿਫਟ’ ਲਿੰਕ ’ਤੇ ਕਲਿੱਕ ਕੀਤਾ ਤਾਂ ਫ਼ੋਨ ਹੋਵੇਗਾ ਹੈਕ ਤੇ ਬੈਂਕ ਖਾਤਾ ਖਾਲੀ

December 31, 2025

Amanpreet Kaur / Punjab

ਨਵੇਂ ਸਾਲ 2026 ਦੇ ਜਸ਼ਨਾਂ ਦੇ ਮੌਕੇ ’ਤੇ ਸਾਈਬਰ ਠੱਗ ਸਰਗਰਮ ਹੋ ਗਏ ਹਨ। ਇੰਟਰਨੈੱਟ ਅਤੇ ਸੋਸ਼ਲ ਮੀਡੀਆ ’ਤੇ ‘ਸਪੈਸ਼ਲ ਗਿਫਟ’, ‘ਡਿਜੀਟਲ ਈ-ਕਾਰਡ’ ਜਾਂ ‘ਨਿਊ ਯੀਅਰ ਵਿਸ਼ਿਜ਼’ ਦੇ ਨਾਂ ’ਤੇ ਅਜਿਹੇ ਮੈਸੇਜ ਭੇਜੇ ਜਾ ਰਹੇ ਹਨ, ਜੋ ਲੋਕਾਂ ਦੀ ਜ਼ਿੰਦਗੀ ਭਰ ਦੀ ਕਮਾਈ ਕੁਝ ਮਿੰਟਾਂ ਵਿੱਚ ਹੀ ਉਡਾ ਸਕਦੇ ਹਨ। ਸਾਈਬਰ ਠੱਗਾਂ ਵੱਲੋਂ ਭੇਜੇ ਜਾ ਰਹੇ ਮੈਸੇਜਾਂ ਵਿੱਚ ਇੱਕ ਲਿੰਕ ਹੁੰਦਾ ਹੈ, ਜਿਸ ਨਾਲ .APK ਫਾਈਲ (ਜਿਵੇਂ HappyNewYear.apk) ਜੁੜੀ ਹੁੰਦੀ ਹੈ। ਜਿਵੇਂ ਹੀ ਯੂਜ਼ਰ ਇਸ ਲਿੰਕ ’ਤੇ ਕਲਿੱਕ ਕਰਦਾ ਹੈ, ਇਹ ਫਾਈਲ ਮੋਬਾਈਲ ਫ਼ੋਨ ਵਿੱਚ ਇੱਕ ਐਪ ਵਜੋਂ ਇੰਸਟਾਲ ਹੋ ਜਾਂਦੀ ਹੈ। ਇਹ ਖ਼ਤਰਨਾਕ ਐਪ ਯੂਜ਼ਰ ਤੋਂ SMS, ਸੰਪਰਕ (Contacts) ਅਤੇ ਨੋਟੀਫਿਕੇਸ਼ਨ ਦੀ ਪਹੁੰਚ ਮੰਗਦੀ ਹੈ। ਇੱਕ ਵਾਰ ਇੰਸਟਾਲ ਹੋਣ ਤੋਂ ਬਾਅਦ ਇਹ ਐਪ ਬੈਕਗ੍ਰਾਊਂਡ ਵਿੱਚ ਐਕਟਿਵ ਹੋ ਕੇ OTP, ਬੈਂਕਿੰਗ ਜਾਣਕਾਰੀਆਂ, ਨਿੱਜੀ ਫੋਟੋਆਂ ਅਤੇ ਵੀਡੀਓਜ਼ ਤੱਕ ਪਹੁੰਚ ਹਾਸਲ ਕਰ ਲੈਂਦੀ ਹੈ, ਜਿਸ ਨਾਲ ਸਾਈਬਰ ਠੱਗ ਬੈਂਕ ਖਾਤੇ ਸਾਫ਼ ਕਰ ਸਕਦੇ ਹਨ। ਹਮੀਰਪੁਰ ਦੀ ਐਸ.ਪੀ. ਡਾ. ਦੀਕਸ਼ਾ ਸ਼ਰਮਾ ਅਤੇ ਸਾਈਬਰ ਸੈੱਲ ਦੇ ਅਧਿਕਾਰੀਆਂ ਨੇ ਲੋਕਾਂ ਨੂੰ ਚਿਤਾਵਨੀ ਜਾਰੀ ਕਰਦਿਆਂ ਕਿਹਾ ਹੈ ਕਿ ਨਵੇਂ ਸਾਲ ਦੇ ਮੌਕੇ ’ਤੇ ਆਉਣ ਵਾਲੇ ਅਜਿਹੇ ਮੈਸੇਜਾਂ ਤੋਂ ਖ਼ਾਸ ਸਾਵਧਾਨ ਰਹਿਣ। WhatsApp ਹੈਕਿੰਗ ਦਾ ਖ਼ਤਰਾਸਾਈਬਰ ਸੈੱਲ ਅਨੁਸਾਰ, ਇਹ ਵਾਇਰਸ ਵ੍ਹਟਸਐਪ ਨੂੰ ਵੀ ਹੈਕ ਕਰ ਸਕਦਾ ਹੈ, ਜਿਸ ਨਾਲ ਠੱਗ ਤੁਹਾਡੇ ਨਾਮ ’ਤੇ ਤੁਹਾਡੇ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਨੂੰ ਆਪਣੇ ਆਪ ਮੈਸੇਜ ਭੇਜ ਦਿੰਦੇ ਹਨ। ਫਰਜ਼ੀ ਐਪਸ ਤੋਂ ਰਹੋ ਦੂਰਈ-ਚਲਾਨ, ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ, ਪੀ.ਐਮ. ਕਿਸਾਨ ਯੋਜਨਾ ਜਾਂ ‘ਵੇਡਿੰਗ ਇਨਵੀਟੇਸ਼ਨ’ ਦੇ ਨਾਂ ’ਤੇ ਆਉਣ ਵਾਲੀਆਂ ਫਾਈਲਾਂ ਵੀ ਅਕਸਰ ਠੱਗੀ ਲਈ ਵਰਤੀਆਂ ਜਾ ਰਹੀਆਂ ਹਨ। ਬਚਾਅ ਲਈ ਇਹ ਸਾਵਧਾਨੀਆਂ ਜ਼ਰੂਰ ਅਪਣਾਓ: ਵ੍ਹਟਸਐਪ ਜਾਂ SMS ’ਤੇ ਆਏ ਕਿਸੇ ਵੀ ਅਣਜਾਣ ਲਿੰਕ ’ਤੇ ਕਲਿੱਕ ਨਾ ਕਰੋ। ਕੋਈ ਵੀ ਐਪ ਸਿਰਫ਼ Google Play Store ਜਾਂ Apple App Store ਤੋਂ ਹੀ ਡਾਊਨਲੋਡ ਕਰੋ। ਜੇ ਦੋਸਤ ਵੱਲੋਂ ਵੀ ਲਿੰਕ ਆਵੇ, ਤਾਂ ਪਹਿਲਾਂ ਫ਼ੋਨ ਕਰਕੇ ਪੁਸ਼ਟੀ ਕਰੋ। ਕਿਸੇ ਵੀ ਗ੍ਰੀਟਿੰਗ ਕਾਰਡ ਜਾਂ ਵਿਸ਼ਿੰਗ ਐਪ ਨੂੰ SMS ਜਾਂ Contacts ਦੀ ਪਰਮਿਸ਼ਨ ਕਦੇ ਨਾ ਦਿਓ। ਪੁਲਿਸ ਅਤੇ ਸਾਈਬਰ ਸੈੱਲ ਨੇ ਅਪੀਲ ਕੀਤੀ ਹੈ ਕਿ ਲੋਕ ਸਾਵਧਾਨੀ ਵਰਤਣ ਅਤੇ ਕਿਸੇ ਵੀ ਸ਼ੱਕੀ ਗਤੀਵਿਧੀ ਦੀ ਸੂਚਨਾ ਤੁਰੰਤ ਸਾਈਬਰ ਹੈਲਪਲਾਈਨ ਨੂੰ ਦੇਣ।

New year scam alert if you click on the special gift link your phone will be hacked and your bank account will be emptied